«Машинани портлатиб юборишига бир баҳя қолди»: аёл ҳайдовчи 9 метрлик майдончага жойлаша олмади (видео)

Буюк Британияда ҳайдовчи аёл 9 метрлик автомобиллар тўхташ жойига жойлаша олмади. Муваффақиятсиз уриниш видеосини Daily Mail тақдим этди, деб ёзади «РИА Новости».

Ҳодиса Эссекс графлигидаги Саутенд-он-Си шаҳрида юз берди. Citroen C1 ни бошқараётган аёл автомобиллар ўртасидаги бўш жойга киришга етти марта уринди, бироқ бунга эриша олмади. Журналистларнинг таъкидлашича, машина узунлиги (3,4 метр) майдонча ҳажмидан (9,1 метр) деярли уч баробар кичик.

Ҳодиса гувоҳи аёлнинг муваффақиятсиз уринишларини узоқ кузатди ва унга ёрдам беришга қарор қилди. Бироқ у уйидан чиққунча, аёл кетиб қолган.

«Мен уни стритрейсер деб ўйладим — мотор шунчалик кучли гурилларди. Деразадан қарадим ва аёл автомобиллар тураргоҳи билан ҳақиқий жанг олиб бораётганлигини тушундим. Бундай бурилишлар билан машинани портлатиб юбормаганлигидан ҳайратга тушдим», — деб ҳикоя қилади у.