Тошкентда ОАВ вакиллари учун ADWEEK 2017 маркетинг ва реклама ҳафталигига бағишланган илк расмий матбуот анжумани бўлиб ўтди. Унда журналистлар ва Ҳафталикнинг бўлажак ҳамкорлари бўлиб ўтиши кутилаётган ҳафталикнинг қатнашчилари, тадбир доирасида ўтказиладиган танлов шарталарига оид батафсил маълумотлар билан танишди.
Маркетинг ва реклама соҳасининг энг йирик ва ёрқин тадбирига айланиб улгурган ADWEEK 2017 ҳафталиги 2018 йилнинг 26 февралидан 2 мартигача Тошкент шаҳрида бўлиб ўтади. Ҳафталик доирасида кўргазма, анжуман ва ADWEEK танлов каби тадбирлар бўлиб ўтади.
ADWEEK кўргазмасини ўтказишдан асосий мақсад бозор иқтисодиёти ва реклама индустриясининг замонавий талабларига жавоб бера оладиган амалдаги брендлари, маркетинг лойиҳалари ва реклама кампанияларини қўллаб-қувватлаш ва янгиларининг юзага келишига кўмаклашишдан иборат. Бозорда фаолият юритаётган реклама агентликлари, дизайн-студиялари, веб-студиялар, полиграфия ташкилотлари, медиа агентликлар, маркетинг агентликлари, видео махсулот ишлаб чиқарувчилари, сувенирлар ва эсдалик совғалар ишлаб чиқарувчилари ўзаро беллашиш имконига эга бўлади. Кўргазма уч кун давомида (28 февралидан 2 мартигача) Тошкентнинг International Hotel Tashkent меҳмонхонасида бўлиб ўтади.
ADWEEK анжумани ҳам International Hotel Tashkent меҳмонхонасида икки кун давомида (28 февралдан 1 мартгача) тақдимотлар, маҳорат дарслари, панелли муҳокамалар кўринишида бўлиб ўтади. Тадбирдан кўзланган мақсад Ўзбекистон реклама соҳасида мавжуд муммолар, уларнинг ечими ва соҳани ривожлантириш истиқболларини муҳокама килишдан иборатдир.
ADWEEK Танлови эса янги сармоядорлар, ҳамкорлар ва истеъмолчилар диққатини жалб этиш ҳамда маҳаллий маҳсулотлар ва брендларни ривожлантиришда ноанъанавий маркетинг ва реклама йўналишларини қўллаб-қувватлашга қаратилган. Танлов 2017 йилнинг октябридан бошланади ва беш ой давом этади.
ADWEEK 2017 маркетинг ва реклама Ҳафталиги доирасидаги танлов қуйидаги тоифалар бўйича ўтказилади:
- Видео
- Брендинг
- Print & Outdoor
- Audiо
- Интеграциялашган лойиҳа
- SMM
- PR
- WEB
- Indoor& Exhibition
- Концепт (Мазмун)
- BTL&Event marketing
- Ижтимоий реклама
info@adweek.uz элетрон почтасига ариза юбориш;
Ҳафталикнинг расмий сайтида тегишли тойифа бўйича ариза топшириб рўйхатдан ўтиш.
Танлов ғолибларига ўз йўналишлари бўйича «Энг яхши» унвони тақдим этилади ва барча тақдимотларда, ОАВ хабарларида ишлатиш ҳуқуқи берилади.
Изоҳ (0)