Нигерияда паром тўнтарилиши оқибатида 22 киши ҳалок бўлди

Нигерия шимоли—ғарбида паром тўнтарилиши оқибатида камида 22 киши ҳалок бўлди. Бу ҳақда «РИА Новости» хабар бермоқда. 

60 йўловчиси бўлган паром Нигер дарёси бўйлаб ҳаракатланаётган эди. 

Маҳаллий расмийлар 22 киши ҳалок бўлгани, 7 нафар йўловчи қутқариб қолинганини билдирди. 

Омон қолганларнинг ҳикоя қилишича, паром дарёда ёғочга тўқнаш келган ва тўнтарилиб кетган.