Айрим шахслар жиноят ҳақида ёлғон хабар бериб, ички ишлар ходимларини содир этилмаган жиноятни фош этилиши учун барча куч ва воситаларни, вақтини беҳудага сарфлашига мажбур қилмоқда, деб хабар беради «Ўзбекистон 24».
Ана шундай ҳолатлардан бири Сергели туманида содир бўлди. Оташев Достон ва Латипов Жобирлар Сергели туман ИИБга ариза билан мурожаат қилиб ўз аризасида уларга нисбатан босқинчилик жинояти содир этиб, почта сифатида Бердиев Азаматдан олган 10 400 АҚШ доллари миқдоридаги маблағларни номаълум шахслар олиб кетганлиги ҳақида хабар беради. Ҳолат юзасидан зудлик билан барча шахсий таркиб ушбу жиноятни содир этган номаълум шахсларни ушлашга жалб этилади.
Дастлабки суриштирув ишлари давомида жабрланувчи Оташев Достон ва Латипов Жобирларнинг кўрсатмалари бир-бирига тўғри келмаётгани ходимларда шубҳа уйғотди. Суриштирув ишлари давомида маълум бўлишича, ушбу икки шахс бировнинг пулларига эга чиқиш мақсадида ушбу жиноят ҳақида ёлғон хабар берган ва атрофдагиларни бу жиноятга ишонтириш учун ўзларга тегишли бўлган Isuzu юк автомашинасининг ойнасини тош билан уриб синдирган. Далиллар ҳам сохталаштирилган.
«Бу икки фуқаро ички ишлар ходимларига ёлғон хабар берганлиги учун қонун олдида тегишли тартибда жавоб беради», — дейилади хабарда.
Изоҳ (0)