Осиё тараққиёт банки 2017 йил учун Ўзбекистон ялпи ички маҳсулоти ўсиши прогнозини 0,2 фоиз пунктига, 6,8 фоизгача туширди. Бу ҳақда банкнинг «Осиё тараққиётининг янгиланган шарҳи 2017» ҳисоботида айтилади, деб хабар беради UzDaily.
Банк прогнозига кўра, Ўзбекистон иқтисодиёти 2018 йили 7,3 фоизга ўсади. Прогноз 0,2 фоиз пунктига яхшиланди.
Банк мутахассисларининг қайд қилишича, ЯИМ ўсиши бироз секинлашади, негаки иқтисодиёт сўм девальвацияси ҳамда валюта сиёсати либераллашувига мослашмоқда. ОТБ экспертлари ислоҳот натижалари 2018 йили иқтисодиёт ўсишига олиб келади деб ҳисобламоқда.
Шу билан бирга, ОТБ Ўзбекистондаги инфляция прогнозини 2017 йил учун 9,5 фоиздан 11фоизгача, 2018 йил учун 10 фоиздан 12 фоизгача кўтарди. Банк 2017 ва 2018 йиллари нархларнинг ўсиши миллий валюта девальвацияси билан боғлиқлигини қайд қилди.
ОТБга кўра, жорий операциялар салдоси Ўзбекистонда 2017 йили ЯИМнинг 0,1 фоизи даражасида қолади (апрелдаги прогноз 0,2 фоиз эди); 2018 йили бу кўрсаткич 0,5 фоизни ташкил этади (эски прогноз 0,4 фоизни ташкил этади).
Ҳисоботда қайд қилинишича, Ўзбекистоннинг давлат қарзи ЯИМнинг 15,1 фоизини ташкил қилади.
Изоҳ (0)