Камроқ калория истеъмол қилишнинг 9 йўли

Бу мақоламизда сизга кун давомида қийинчиликсиз ва соғлиққа зарар етказмасдан камроқ калория истеъмол қилишнинг асосий йўллари ҳақида айтмоқчимиз.

Қаҳва ва чойга шакар ва қаймоқ қўшманг

Агар сиз ҳар куни бир пиёладан кўп қаҳва ичаётган бўлсангиз, бир ҳафта давомида бир неча юз ортиқча ва фойдасиз калорияларга эга бўласиз.

Нонуштада кўпроқ клетчаткалар енг

Клетчатка узоқ вақт тўқ тутади ва у «яхши» калориялардан ташкил топган. Америка олимлари нонуштада сули истеъмол қиладиганлар ширин ёрмалар ёки хамирли овқатлар ейдиганларга қараганда кун давомида 30%га кам калория олишларини аниқладилар.

Ширин ичимликларни сувга алмаштиринг

Бир банка ширин ичимлик таркибида 150—200 калория мавжуд. Агар сиз газланган ичимликни яхши кўрсангиз, уни мева бўлакчалари қўшилган минерал сувга алмаштиринг. Бундай ичимлик дўкондан олинган газли ичимликдан кўра анча фойдалироқ бўлади.

Бутун кун давомида оқсил енг

Ҳар бир овқатланишингизга протеин қўшишга ҳаракат қилинг: бу сут маҳсулотлари, товуқ, ёнғоқлар, дуккаклилар бўлиши мумкин. Протеин ва углеводларга бой бўлган овқатлар узоқ вақт тўқ тутади ва кечқурун очлик хуружининг олдини олишга ёрдам беради.

Салатлар учун қўшимчаларга эътибор беринг

Агар сиз кам калорияли таом тайёрламоқчи бўлсангиз, салатга қовурилган нон, бекон ёки ёғли қайлалар қўшиш — яхши фикр эмас. Яхшиси калорияли қайла ўрнига лимон шарбати, беконнинг ўрнига грейпфрут бўлагини ишлатганингиз маъқул.

Овқатни очиқишдан олдин танланг

Агар сиз оч қолган пайтингизда қўлингиз остида нима бўлса ҳам ейишга тайёр эканлигингизни билсангиз, у ҳолда бунга олдиндан тайёрланинг.

Овқатни уйда тайёрланг

Баъзи ресторан ва кафеларда таомлар палма, соя ва бошқа сифати паст бўлган ўсимлик ёғларига тайёрланади. Уйда тушлик тайёрлашга ярим соат вақт ва оддий масаллиқлар керак бўлади.

Ёғсиз овқат тайёрланг

Бир қошиқ ёғ таркибида 50—70 калория мавжуд. Бунинг устига кўпчилик ёғлар қиздириш пайтида организм учун хавфли бўлган кансероген моддалар ҳосил қилади.

Телевизор қаршисида овқатланманг

Одам телевизорга ёки телефонга қараётганда унинг бутун диққат-эътибори овқатга эмас маълумотларга йўналтирилган бўлади. Айнан шунинг учун у одатдагидан кўпроқ еётганини сезмай қолади. Шу сабабли жимликда ва гаджетларсиз ейишга ҳаракат қилинг.

Манба: Rambler Weekend