Қорақалпоғистон Республикасининг Шуманай туманида майдони 5,88 гектар бўлган брезент ишлаб чиқариш корхонаси биносининг қурилиши бошланди. Бу ҳақда «KRuz.uz» хабар берди.
Корхона тўлиқ ишга тушгач, 300 дан ортиқ киши иш ўрни билан таъминланади. Жорий йилнинг май ойида бошланган қурилиш ишлари янги йил арафасида якунланиб, бинонинг ишга туширилиши мўлжалланмоқда.
17,2 миллиард сўм маблағ эвазига қурилаётган бу корхонанинг технологиялари Бельгия ва Ҳиндистондан келтирилади. Унда маҳаллий пахтанинг энг паст чиқиндисидан брезент ишлаб чиқарилади.
Бундай брезент тўқиш корхонаси Россия, Хитойда мавжуд бўлиб, қурилаётган корхона Марказий Осиё давлатларида ягона корхона бўлади.
Изоҳ (0)