Россия Мудофаа вазирлигининг расмий вакили генерал майор Игорь Конашенковнинг маълум қилишича, Суриянинг Идлиб шаҳрида «Жабҳат ан-Нусра» террорчилик ташкилотининг беш нафар дала қўмондони йўқ қилинган. Улар 18 сентябрь куни россиялик ҳарбий полициячиларга ҳужум қилган жангариларга бошчилик қилган, деб хабар берди «Коммерсантъ».
Мудофаа вазирлигининг баёнотида айтилишича, террорчиларнинг ҳужумидан сўнг, Россия ва Сурия Мудофаа вазирликларининг разведкалари иштирокида махсус операция ташкил этилган. Операция жараёнида «Жабҳат ан-Нусра»нинг дала қўмонлари қаерда ва қачон мажлис ўтказиши аниқлашга муваффақ бўлинган. Шундан сўнг, ҳарбийлар аниқланган жойга авиация орқали ракета зарбаларини берган.
Беш нафар қўмондондан ташқари яна 32 нафар жангари, шунингдек, қурол-аслаҳа омбори ва террорчиларнинг 6 та автомобили йўқ қилинган.
Изоҳ (0)