RGM фирмаси қийшайган циферблатли соат ишлаб чиқарди

RGM америка соат бренди Model 222-RR номли янги механик соатни тақдим этди. Бу ҳақда Watches By SJX маълум қилди.

Дизайнерлар ХХ аср бошидаги темирйўлчилар ва ҳайдовчилар учун мўлжалланган соатлардан илҳомланган. Соат циферблати 45 даражага бурилган. Бу қўлни рулдан олмасдан туриб, соатдаги вақтни кўришда қулайлик яратиш учун қилинган. Рақамлар гротеск шрифтида осон ўқиш учун катта қилиб ишланган.

Биринчи марта Box Car dial — «вагон сиферблати» ёзуви Американинг Ball фирмаси томонидан 1925 йилда темирйўл транспорти ишчилари учун ишлаб чиқарилган Official RR Standard соатларида ишлатилган.

Соат америкалик соат устаси Роланд Мёрф томонидан асос солинган бренднинг 25 йиллиги муносабати билан 921 ва 923 калибрларида ишлаб чиқарилган. 921 калибрли Model 222-RR нинг нархи 5900 доллар, 923 калибрлисиники эса 7900 долларни ташкил қилади.