RGM amerika soat brendi Model 222-RR nomli yangi mexanik soatni taqdim etdi. Bu haqda Watches By SJX ma’lum qildi.
Dizaynerlar XX asr boshidagi temiryo‘lchilar va haydovchilar uchun mo‘ljallangan soatlardan ilhomlangan. Soat siferblati 45 darajaga burilgan. Bu qo‘lni ruldan olmasdan turib, soatdagi vaqtni ko‘rishda qulaylik yaratish uchun qilingan. Raqamlar grotesk shriftida oson o‘qish uchun katta qilib ishlangan.
Birinchi marta Box Car dial — “vagon siferblati” yozuvi Amerikaning Ball firmasi tomonidan 1925-yilda temiryo‘l transporti ishchilari uchun ishlab chiqarilgan Official RR Standard soatlarida ishlatilgan.
Soat amerikalik soat ustasi Roland Myorf tomonidan asos solingan brendning 25 yilligi munosabati bilan 921 va 923 kalibrlarida ishlab chiqarilgan. 921 kalibrli Model 222-RR ning narxi 5900 dollar, 923 kalibrlisiniki esa 7900 dollarni tashkil qiladi.
Izoh (0)