Хитой Пекин ва Шанхай шаҳарларини боғловчи ва соатига 350 километр тезликда ҳаракатланувчи «Фусин» поездлари ҳаракатини йўлга қўйди. Бу ҳақда «ТАСС» хабар бермоқда.
«Фусин» поездлари бутун дунёда тижорий мақсадларда фойдаланилаётган тезюрар поездлар ичида энг катта тезликда ҳаракатланаётгани сифатида тан олинди.
2017 йилнинг июль ойида поезд синовдан ўтказилган эди. Синовларда поезднинг хавфсизлиги ва соатига 400 километргача ҳаракатланиш функцияси текширилган эди.
Поездлар 21 сентябрдан бошлаб Пекин-Шанхай йўналишида еттита рейсни амалга ошира бошлайди. Пекиндан йўлга чиқадиган поезд 4 соату 28 дақиқада Шанхай шаҳрига етиб боради. Аваллари мазкур йўналишда соатига 300 километр тезликда ҳаракатланган поездлар шаҳарлар ўртасидаги масофани 6 соатда босиб ўтар эди.
Изоҳ (0)