Эрон ташқи ишлар вазири Жавод Зариф АҚШ президенти Дональд Трампнинг БМТ Бош ассамблеясидаги чиқишини нодонлик ва нафратга тўла нутқ деб атади. Бу ҳақда «Интерфакс» хабар бермоқда.
«Трампнинг нодонлик ва нафратга тўла нутқи XXI асрдаги БМТга эмас, ўрта асрларга тегишли ва жавобга лойиқ эмас. Эронликларга ёлғон илтифот билан ҳеч кимни алдаб бўлмайди», — дея ёзув қолдирди вазир Twitter’даги саҳифасида.
Трамп БМТ Бош ассамблеясидаги чиқишида Эрон ядро дастури бўйича келишувни АҚШ учун «шармандалик» деб атади ва Теҳронни террорчиларни молиялаштириш, Яқин Шарқда тинчликка раҳна солишни тўхтатишга чақирди.
Изоҳ (0)