Business Insider нашри Apple компаниясининг iPhone Х флагмани жаҳоннинг турли мамлакатларида қандай нархларда сотилаётганини ўрганиб чиқди. 999 доллар турадиган ушбу гаджетнинг нархи қимматлиги ҳақида кўп марта ёзилди. Бундан ташқари, АҚШнинг кўп ҳудудларида маҳсулотнинг реал нархи бундан каттароқ қиймат касб этмоқда. Аммо, тадқиқотдан маълум бўлишича, АҚШдан бошқа давлатларда унинг нархи янада кўтарилиб кетган.
«Агар АҚШ ташқарисида яшасангиз, iPhone X’нинг нархи айниқса мураккаб масалага айланиши мумкин, негаки Apple’нинг янги ультрапремиал iPhone Х ускунаси хорижда сезиларли даражада қиммат туради», — дейилади материалда.
Келтирилган жадвалдан маълум бўлишича, iPhone X’нинг қимматлиги бўйича биринчи ўринда Россия турибди — бу ерда ушбу телефон 1390 долларга сотилмоқда. Ундан кейинги поғоналарни Европа Иттифоқи (1376) ва Бирлашган Қироллик (1338) эгаллади.
Келтирилган ўнликнинг охирги пиллапоясини Япония банд этди — бу ерда iPhone Х 1018 долларга сотилмоқда.
Рейтингга, шунингдек, Мексика (1325), Хитой (1279), Австралия (1259), БАА (1115), Гонконг (1099), Канада (1080) ва АҚШнинг ўзи (1063) кирди.
Изоҳ (0)