Япония ташқи ишлар вазирлиги АҚШ ва Жанубий Корея билан биргаликда КХДР раҳбариятига «мисли кўрилмаган даражада» босим ўтказишни режалаштираётгани ҳақида огоҳлантирди. Бу ҳақда «Газета.ru» хабар бермоқда.
«Томонлар КХДР томонидан давом эттирилаётган фитналарга йўл қўйиб бўлмаслиги ва охирги ракета учирилиши муносабати билан кескин чоралар кўрилиши зарурлиги тўғрисида бир тўхтамга келди. Шунингдек, томонлар ‘Япония—АҚШ’, ‘Япония—Жанубий Корея’ ва ‘Япония—АҚШ—Жанубий Корея’ форматларида шу пайтгача мисли кўрилмаган даражада босим ўтказиш ва КХДРни сиёсатини ўзгартиришга мажбурлаш тўғрисида келишиб олди», — маълум қилди Япония ТИВ.
Вазирлик Япония ТИВ Осиё ва Океания департаменти бошлиғи Кендзи Канасугининг АҚШ Давлат департаменти махсус вакили Жозеф Юн ва Жанубий Корея ТИВ махсус вакили Ким Хон Гюн билан музокараларидан сўнг шундай баёнот берди.
Изоҳ (0)