АҚШда жиноятчи қидирилаётгани ҳақидаги эълон остида полициячиларни масхара қилди

31 ёшли жиноятчи Мартин Тейт қидирилаётгани ҳақидаги эълон остида Шимолий Уэльс полициячиларининг устидан кулди. Унинг сурати бор пост North Wales Police’нинг Facebook аккаунтига жойланган эди.

Полиция аккаунти маъмурияти сўзларига қараганда, Тейт қуролланган ҳужум учун қидирилмоқда. «101 рақамига қўнғироқ қилинг ёки Twitter’да маълум қилинг», — дейилади хабарда.

Бир муддатдан сўнг пост остида Тейтнинг ўзи изоҳ қолдира бошлади. У полициячиларни масхара қилди. «Ахмоқлар мени тута олишмаяпти. Ким охирги кулиши энди равшан», — дея хурсанд бўлди у.

У ҳатто Facebook’га яна бир жиноятчи билан дам олаётгани суратини жойлаштирди. «Икки эркак қидирувда, ҳа-ҳа, биз буни бир пулга олмаймиз», — дея таъкидлади Тейт сурат остида.

Полиция жиноятчига обрўсини сақлаган ҳолда жавоб қайтарди. «Салом, Мартин, сен  қочишинг мумкин, лекин яширина олмайсан. Кўришгунча!», — ишонч билан маълум қилди полициячилар.

Шунга қарамасдан, Mashable нашрининг маълум қилишича, Тейт ҳамон қўлга тушмаган.