Андижон вилояти Булоқбоши туманидаги «Саноат» маҳалла фуқаролар йиғини ҳудудида жойлашган туман «Сувоқова» давлат унитар корхонасига қарашли сув тақсимлаш иншооти фойдаланишга топширилди, деб хабар берди ЎзА.
Жорий йилда вилоятда аҳолини тоза ичимлик суви билан таъминлашга қаратилган умумий қиймати 44 миллиард сўм бўлган лойиҳалар амалга оширилмоқда. Жумладан, Андижон шаҳридаги Just Моment МЧЖ томонидан «Мундуз-Саноат» сув тармоғи лойиҳаси доирасида олиб борилган қурилиш ишларига қарийб 7 миллиард сўм сарфланди, 14 километр масофага сув қувури тортилди. Бу Булоқбоши туманидаги «Истиқлол», «Нефтчилар», «Саноат», «Баландчек» маҳаллалари аҳолисини тоза ичимлик суви билан таъминлаш имконини берди.
«Маҳалламиз аҳолиси учун ичимлик суви бир неча километр узоқдан транспортда ташиб келинар эди. Янги сув тақсимлаш иншооти барпо этилиши билан ушбу муаммо тўла-тўкис ҳал этилди. Бундан ёшу кекса, айниқса, аёлларимиз ниҳоятда хурсанд», – дейди «Саноат» маҳалласида яшовчи меҳнат фахрийси Муҳаммаджон Йўлдошев.
Изоҳ (0)