Фолга ичида гўшт, балиқ ва сабзавотларни пишириш жуда қулай, лекин ундаги алюминий парчалари овқатга тушади — бу эса соғлиқ учун зарарли.
Алюминийнинг соғлиққа таъсири
Организмимиз унчалик катта бўлмаган миқдордаги алюминийни бемалол чиқара олади. Бутун дунё соғлиқни сақлаш ташкилотининг маълумотларига кўра, алюминий истеъмол қилишнинг хавфсиз миқдори — бир кунда 1 кг оғирлик учун 40 мг дан иборат.Лекин одатда организмга кўпроқ алюминий тушади. У маккажўхори, пишлоқ, туз, зираворлар, чой таркибида мавжуд. Алюминийдан идишлар қилинади, у антацидли дори воситаларида ва антиперспирантларда қўлланилади. Сульфат алюминий ичимлик сувини тозалашда ишлатилади.
Алюминий қандай қилиб овқатга тушади?
Алюминийдан қилинган идишлар оксидланади: уларнинг устида кислороднинг алюминийни овқатга тушишдан сақлайдиган инерт қавати ҳосил бўлади.Муаммо шундаки, ювиш вақтида биз бу ҳимоя қаватини тозалаб ташлаймиз. Бунинг олдини олиш учун янги алюминий идишда, унинг ичи ва деворлари ялтирамайдиган ҳолатга келгунча, бир неча марта сув қайнатинг. Бу табиий ҳимоя қаватини юзага келтиради.
Албатта, фольгани бундай қилиб бўлмайди. Шунинг учун пишириш вақтида ундан овқатга катта миқдорда алюминий тушади. Бу белгиланган меъёрдан анча кўпроқ.
Айниқса, лимон ёки томат шарбатлари, спиртли ичимликлар каби масаллиқлар ишлатилганда овқатга кўпроқ алюминий тушади — улар фольгани қисман эритиш хусусиятига эга.
Шунинг учун тадқиқотчилар алюминий фольгадан воз кечишни ва пишириш учун шиша ёки сопол идишлардан фойдаланишни маслаҳат берадилар.
Манба: «Лайфхакер»
Изоҳ (0)