Микротўлқинли печга солиш мумкин бўлган 5 та кутилмаган нарса

Агар сиз микротўлқинли печ фақат иситиш ва унчалик қийин бўлмаган таомларни тайёрлаш учун ишлатилади деб ўйласангиз, унда адашасиз. Турмушда бу анжомнинг қиёси йўқ.

1. Скотч ёки изолента

Полипропилен тасмалар вақт ўтиши билан дағаллашади ва ўз ёпишқоқлигини йўқотади. Лекин уларни ташлаб юборишга шошилманг. Скотч ёки изолентани 800–1 000 Вт қувватда 30 сонияга микротўлқинли печга қўйинг.

2. Майдаловчи тахта

Балиқ ёки гўштни майдалаганингиздан кейин тахтани, айниқса ёғоч тахтани дезинфекциялаш керак. Бунинг учун унга лимон бўлагини ишқаланг ва 500–800 Вт қувватда 10-20 сонияга микротўлқинли печга қўйинг.

3. Депиляция учун мум

Худди шундай нуқтаи-назардан мумни депиляция учун эритиш мумкин. Одатда бу сув буғида ёки идишни батарея устига қўйиш орқали қилинади. Лекин буни микротўлқинли печда осонроқ ва тезроқ бажариш мумкин.

4. Киприклар учун туш

Севимли тушингиз деярли бўямай қолган ва киприкларингиздан тушиб кетаяптими? Хафа бўлманг!

Микротўлқинли печ ёрдамида тушларга иккинчи ҳаёт бағишлашнинг икки йўл бор.

Ёпилган туш идишини печ ичига 500–800 Вт қувватда 10 сонияга қўйинг.  Диққат! Ўрам устида ҳеч қандай металл зарралари йўқлигига ишонч ҳосил қилинг, акс ҳолда ўрам портлаб кетиши мумкин.

Туш чўткасини олиб қўйинг, очиқ туш идишини ва кичкина идишдаги сувни худди шу қувватда 5-10 сонияга микротўлқинли печга қўйинг.

5. Қотган нон

Қотган нон бўлакларини ташлаб юборишга шошилманг. Қоғоз сочиқни ҳўлланг ва яхшилаб сиқинг. Қуриган нон бўлакларини унга ўранг ва 10-15 сонияга печга қўйинг. Бунда печни энг юқори қувватга қўйинг.

Манба: «Хитрости жизни»