Хитой мамлакат ҳудудида фақат бензин ёки дизел двигатели билан жиҳозланган автомобиллар ишлаб чиқариш ва сотишдан воз кечишни режалаштирмоқда. Бу ҳақда Meduza хабар берди.
«Тақиқ киритилишининг аниқ санаси ҳукуматда муҳокама қилинмоқда», — деб маълум қилган Хитой саноат ва ахборот технологиялари вазири ўринбосари Син Гобин.
Вазир ўринбосарининг сўзларига кўра, фақат бензин ёки дизел двигатели билан жиҳозланган автомобилларга тақиқ қўйилиши атроф-муҳитга ва хитой автосаноатининг ривожига сезиларли таъсир кўрсатади.
Ўз навбатида, Хитойнинг енгил автомобиль эксопортчиси Chery Automobile Co компанияси раиси Лю Чжицзянинг маълум қилишича, тақиқ 2040 йилдан кейин киритилиши мумкин. Бу вақтга бориб Франция ва Буюк Британия ҳам худди шундай ишга қўл уришни режалаштирмоқда. «Бундай чекловга тайёрланиш учун хитой бозорига вақт керак», — деган компания раҳбари.
Изоҳ (0)