18 минг атрофида автомобиль рақамлари сотувга қўйилди. Дастлабки ҳисоб-китобларга қараганда, барча «чиройли» рақамларнинг сотилишидан келадиган даромад 380 миллиард сўмни ташкил этади, деб хабар беради «Новости Узбекистана».
Онлайн-сотув йўли билан реализация қилинадиган автомобиль рақамларининг нархи нафақат категорияга, балки минтақага ҳам боғлиқ бўлади. Тошкент шаҳар ИИББ матбуот хизмати раҳбари Акмал Юнусовнинг сўзларига қараганда, лойиҳани тайёрлашда Вазирлар Маҳкамаси халқаро тажрибани ўрганган, шунингдек, талабни таҳлил қилган.
«Онлайн-аукционни бошлашдан олдин биз мамлакатнинг барча минтақаларида харид қобилиятини ўрганиб чиқдик. Шунингдек, халқаро тажриба, қўшни давлатлар тажрибасини ўргандик. Натижада Тошкентдаги харид қобилияти минтақада тўланадиган пулдан фарқ қилиши аниқланди», — маълум қилди Юнусов.
Шу муносабат билан пойтахт, Қорақалпоғистон ва вилоятлар учун ҳар хил нархлар белгилашга қарор қилинди.
Айни пайтда сотувга уч категориядаги 400 га яқин авторақам қўйилган. Тошкентдаги «чиройли» рақам учун бошланғич нарх — 7488750 сўм, Қорақалпоғистон, Тошкент вилояти ва бошқа вилоятлар учун — 5242125 сўм.
Авторақамлар реализацияси суммасининг 80 фоизи республика бюджетига, 20 фоизи — ИИВ ходимларини ижтимоий қўллаб-қувватлаш, ИИВ моддий-техник базасини ривожлантириш ва бошқа харажатлар махсус жамғармасига йўналтирилади.
Изоҳ (0)