Мақолада тери учун энг фойдали бўлган озиқ-овқатлар ва уларнинг хусусиятлари билан танишасиз.
Ўсимлик ва ёнғоқ ёғлари
Тозаланмаган ёғларнинг ҳаммаси фойда келтиради: уларнинг таркиби организмга ичкаридан ҳам, ташқаридан ҳам ижобий таъсир кўрсатувчи тўйинмаган ёғлардан иборат.Зайтун ёғи ва унинг муҳим хусусиятлари ҳақида ҳамма билади. Лекин бошқа ёғларнинг борлигини кўпчилик билмайди: зайтун ёғидан қолишмайдиган ва анча арзонроқ турадиган хантал ёғи; узум данаклари ва ошқовоқ уруғларидан олинган ёғлар; зиғир, кунжут, бодом ёғлари ва бошқалар.
Бу ёғларнинг ҳаммаси — витаминлар, микроэлементлар ва минераллар кони ҳисобланади. Масалан, узум данакларидан олинган ёғ таркибидаги хлорофилл моддаси терини ажойиб тарзда таранглаштиради ва яраларнинг битиш жараёнини фаоллаштиради, зиғир ёғининг таркибидаги фитоэстрогенлар эса аёллар соғлиғини сақлашда асосий роллардан бирини бажаради.
Денгиз маҳсулотлари
Агар сиз терингиздаги муаммолар билан курашаётган бўлсангиз, унда таомномангизда денгиз балиғи, майда қисқичбақалар, саккизоёқлар ва бошқа денгиз маҳсулотлари бўлиши керак. Чунки, денгиз маҳсулотлари тери соғлом бўлиши учун зарур бўлган ёғ кислотаси омега-3 дан ташқари унинг чиройли ранги учун жавоб берувчи йодга ҳам бойдир.Кўкатлар
Петрушка, шивит, кинза, райҳон ва бошқа кўкатлар организмни деярли ҳамма элементлар билан таъминлайди. Салатларга, биринчи ва иккинчи овқатларга ҳам петрушка ёки шивитлардан бироз қўшинг.Лекин шуни эсингизда тутинг: C витамини кислород билан алоқа қилишда тез бузилади, шунинг учун янги тайёрланган салатни совитгичда сақламанг — бирдан истеъмол қилинг.
C витамини металл билан алоқа қилганда ҳам худди шундай ҳодиса юз беради, шунинг учун кўкатларни сополдан ясалган пичоқ билан тўғранг.
Манба: «Wmj.ru»
Изоҳ (0)