Шифокорлар ҳам, олимлар ҳам сабзавотлар ва мевалар юракни соғлом тутишда ёрдам беришини ва кўплаб касалликларнинг пайдо бўлиш хавфини камайтиришини таъкидлайди.
Лекин ҳар куни битта одамга айнан қанча сабзавот ва мевалар талаб қилиниши ҳанузгача тортишувларга сабаб бўлмоқда.
Масалан, яқинда ўтказилган тадқиқотлардан бирининг муаллифлари юрак-томир касалликлари хавфини камайтириш учун бир кунда 800 г дан кам бўлмаган миқдорда сабзавот ва мевалар истеъмол қилиниши керак деб ҳисоблайди.
Олимларнинг халқаро гуруҳи 35 ёшдан 70 ёшгача бўлган 135 335 нафар одамларнинг соғлиғи ҳақидаги маълумотлар ёрдамида тадқиқот ўтказди. Сўровнинг бошланиш пайтида улар юрак-томир касалликларига чалинмаган эди.
Тадқиқотчилар шундай хулосага келди: 375 г сабзавот ва мевалар организмни юрак-томир касалликларидан ҳимоя қила олади ва барвақт ўлим эҳтимолини камайтиради.
Тадқиқотларда дунёнинг 18 мамлакатидаги 613 уюшма яшовчилари қатнашди. Иштирокчилар даромадлари даражаси бир-биридан фарқ қилади.
Янги тадқиқот қатнашчилари ўзлариниг ижтимоий-иқтисодий даражаси, оилавий аҳволи, яшаш тарзлари ва зарарли одатлари ҳақидаги сўровномани тўлдирди. Иштирокчилар юрак-томир касаллигининг шахсий ва оилавий тарихи ҳақида айтиб берди.
Тадқиқотларда 2003 йилнинг январидан 2013 йилнинг мартигача қатнашиш мумкин эди. 2017 йил баҳорида олимлар сўровлар натижаларини ва соғлиқни сақлаш тизимлари томонидан йиғилган маълумотларни тўплади. Иштирокчиларнинг аҳволини кузатиш ўртача 7 йилга яқин давом этди.
Натижада бу давр давомида 4784 ҳолатда юрак-томир касалликлари ва бу касалликлар оқибатида 1649 ўлим ҳолати қайд этилди. Бу давр ичида жами 5796 қатнашчи вафот этди.
Бир кунда 375 г дан 500 г гача мева ва сабзавотлар истеъмол қилганлар ичида ўлим кўрсаткичи энг паст эканлиги қайд қилинган. Бу кўрсаткич даромад даражасига боғлиқ эмаслиги ҳам аниқланган.
Изоҳ (0)