Ўзбекистонда демократик давлат ва фуқаролик жамиятини ривожлантириш мақсадида қабул қилинган – 2017—2021 йилларда Ўзбекистон Республикасини ривожланитиришнинг бешта устувор йўналишлари бўйича Ҳаракатлар Стратегиясида Ёшлар ролини ошириш масаласига алоҳида эътибор қилинган. Ёшларни таҳлилий қобилиятини юксалтириш, интеллектуал салоҳиятини рўёбга чиқаришга кўмак берадиган шарт-шароит ва имкониятлар яратиш мақсадида Ўзбекистон Республикаси Президенти ҳузуридаги Стратегик ва минтақалараро тадқиқотлар Институти (СMTИ) «Ёш таҳлилчилар клуби» (ЙТК) ташкил этилди.
Ёш таҳлилчилар клуби, Ўзбекистондаги Олий ўқув юртларида таҳсил олаётган иқтидорли ва фаол фуқаролик позициясига эга бўлган талабаларни бирлаштиради. ЙТКнинг асосий ғояси – ватанпарварлик, ватанга бўлган муҳаббат ва садоқат, жамият ва давлат манфаати йўлида хизмат қилиш билан белгиланади.
Шу кунларда СMTИда ЙТК иштирокчиларининг биринчи йиғилиши бўлиб ўтди. Мазкур тадбирда Ўзбекистоннинг етакчи Олий ўқув юртларида ташриф буюрган 50 нафардан зиёд талабалар иштирок этишди.
Йиғилишда клуб фаолиятининг асосий мақсад ва вазифалари, шунингдек, ЙТК иштирокчилари ва СMTИ ўртасидаги ўзаро муносабатлар тўғрисида тўхталиб ўтилди. Йиғилиш давомида иштирокчилар ЙТК фаолияти хусусида, илмий тадқиқот ҳамда нашрлар юзасидан фикр ва мулоҳазалар алмашилди. Хусусан, ЙТК таҳлилий-мунозаралар майдони сифатида фаолият юритиши мақсадга мувофиқлиги тўғрисида таъкидлаб ўтилди.
Шунингдек, йиғилишда ЙТК фаолиятининг ташкилий масалалари, яъни, Олий ўқув юртлари билан ҳамкорликда семинар ва давра суҳбатлари, мастер-класс ва бошқа тадбирлар ўтказиш тўғрисида таъкидланди.
Изоҳ (0)