Аввалроқ, валюта сотиб олмоқчи бўлганлар ҳар уч ойда 5000 долларгача маблағ олиш имкониятига эга бўлиши ҳақида хабар берилган эди. Аммо бу хабарлар тўлалигича ўз тасдиғини топмади. «Дарё» таҳририяти бу борада Марказий банк ахборот хизмати билан боғланди.
Маълум қилинишича, жисмоний шахслар конверсион картага исталган миқдорда валюта сотиб олиш имкониятига эга. Конверсион картага валюта сотиб олишда ҳеч қандай чеклов мавжуд эмас.
Шунингдек, ўқиш ёки иш жойидан олинган пластик карточкадаги маблағни валютага айлантирмоқчи бўлганлар учун ҳам шундай йўл тутилади. Яъни бу ҳолатда, мижоз банкка мурожаат қилади ва унга конверсион карта очилади.Шу тариқа, мижоз пластик карточкасидаги маблағни конверсион картага валюта кўринишида ўтказиш имкониятига эга бўлади.
Изоҳ (0)