Россиянинг Таганрог шаҳрида (Ростов вилояти) икки нафар жиноятчи 26 ёшли эркакни 1,5 миллион рубль эвазига «донорлик»ка сотиб юборишга ҳаракат қилди. «Донор» эркак ёвуз ниятли шахслар уни четдан Россияга машина олиб келишга ёллашганлигига ишонган, деб хабар берди «Вести.ru».
Келишув тафсилотларини муҳокама қилиш учун жиноятчилар 29 август куни эркакни шаҳар меҳмонхоналаридан бирига таклиф қилган. У ерда «тирик маҳсулот» савдоси бўйича битим тузилиши керак эди. Бироқ харидор сифатида полиция вакили ҳаракат қилган.
Жиноятчилар пулни қўлга киритганидан сўнг, ҳуқуқ-тартибот ходимлари томонидан қўлга олинган. Уларга нисбатан «одам савдоси» бўйича жиноят иши қўзғатилган.
Изоҳ (0)