Покистон суди мамлакат собиқ бош вазири Беназир Бхутто ўлдирилишида айбланаётган 5 кишини оқлади. Бу ҳақда «ТАСС» хабар бермоқда.
Суд Покистондаги толиблар билан боғлиқ эканлиги тахмин қилинган мазкур шахсларнинг айби етарлича исботланмаган деб топди.
Бу ишда айбдор сифатида кўрилаётган собиқ президент Парвез Мушарраф судловдан яширинаётган шахс деб эълон қилинди. Шунингдек, суд ҳозирда Бирлашган Араб амирликларида истиқомат қилаётган Мушаррафнинг барча мол-мулкини мусодара этиш ҳақида ҳукм чиқарди.
Равалпинди шаҳар полицияси бошқармасининг икки раҳбари далилларни яшириш йўли билан Бхуттонинг қотилларига кўмак беришда айбланиб, ҳар бири 17 йилдан қамоқ жазосига ҳукм қилинди.
Изоҳ (0)