Жорий йилнинг 30 август куни Бош прокуратура ҳузуридаги Департаментнинг Тошкент вилояти бошқармаси ходимлари томонидан ўтказилган тезкор тадбирда Юқори Чирчиқ тумани «Истиқбол» маҳалла фуқаролар йиғини раиси Ғ.Ҳамидов (1966 йилда туғилган) фуқаро Д.Каримовадан 500 минг сўм миқдорида пора олаётган вақтда қўлга олинди, деб хабар берди Тошкент вилояти прокуратураси матбуот хизмати.
Фуқаро Каримова прокуратура органларига ариза билан мурожаат қилиб, қонуний ажрашиш учун фуқаролик судига тақдим этилиши керак бўлган айрим ҳужжатларни тайёрлаб бериш эвазига «Истиқбол» маҳалласи раиси Ғ.Ҳамидов ундан пора талаб қилаётганлигини билдирган.
Мазкур ҳолат юзасидан Жиноят кодексининг 210-моддаси 1-қисми (пора олиш) билан жиноят иши қўзғатилиб, тергов ҳаракатлари Юқори Чирчиқ тумани прокуратураси томонидан олиб борилмоқда.
Изоҳ (0)