Тошкент вилоятининг Бекобод шаҳрида ташриф билан бўлган Ўзбекистон Президенти Шавкат Мирзиёев «Ўзбекистон металлургия комбинати» бошқаруви чет эллик ҳамкорларга топширилганини маълум қилди.
Президентнинг таъкидлашича, чет эл бошқаруви билан биргаликда комбинатдаги ишлаб чиқариш ҳажмини ошириш кўзда тутилган. Бу эса шаҳарда янги иш ўринларини яратиш, инфратузилмани яхшилаш, аҳоли учун қулай шарт-шароитлар яратишга имкон беради.
Бекободдаги «Ўзбекистон металлургия комбинати» икки босқичда таъмирдан чиқарилади. Комбинат чет эл бошқарувига берганмиз. Чет эл бошқаруви дегани биз уни сотганимизин англатмайди — комбинатнинг барча мулки давлатнинг қўлида. Биз комбинатга ташқи бошқарув олдик, ақл олдик, билим олдик.Бир ярим йил ичида янги раҳбарият билан бирга маҳсулотлар сифатини ҳам оширмоқчимиз, маҳсулот миқдорини ҳам 1,5 миллион тоннага чиқармоқчимиз. Бунинг учун 100 миллион евро сарфланади — 50 миллионига ускуна олиб келинади, 50 миллионига эса зарур инфратузилма қилинади. Уч йил ичида ишлаб чиқариш ҳажмини 2,5 миллион тоннага кўпайтирмоқчимиз.
Шавкат Мирзиёев, Ўзбекистон Президенти
Изоҳ (0)