Тараққиёт марказида Сенатнинг 24—25 август кунлари бўлиб ўтган ялпи мажлисида қабул қилинган қонунлар муҳокамасига бағишланган тадбир якунида сенатор Иқболжон Мирзалиев (Иқбол Мирзо) лотин ёзувига асосланган ўзбек тили бўйича баҳслар юзасидан ўз муносабатини билдирди.
Бир нарсани аниқ айтишим мумкин: ҳеч қачон кирилл алифбосига қайтилмайди. Фақат битта масала — лотин графикаси таҳрир қилинади. Масалан, баъзи ҳарфларимиз иккита ҳарф билан ёзилади. «Poshsho» («Пошшо») деб ёзадиган бўлсангиз, сўз чўзилиб кетади.Қайд этиш жоиз, Шуҳрат Ризаевнинг «Китоб дунёси» газетасида (сайтида 10 август куни) эълон қилинган Президент Шавкат Мирзиёевга мактуби сўнгги вақтларда жамоатчилик ўртасида баҳс-мунозараларга сабаб бўлган эди.Лотин ёзувининг қулайликлари кўп, дунёга интилсак, инглиз тилини ўрганиш учун айни муддао. Лекин таҳрирталаб. Масалан, «sh» («ш») ҳарфи сўз бошида келса, дейлик, Шуҳрат Ризаевнинг исмида бош ҳарфнинг биттаси катта («S»), биттаси кичик («h») ёзилади. Энди Шуҳрат акадан рухсат олган ҳолда битта белги билан белгилаймиз (кулади).
Шуҳрат ака таклифининг битта яхши тарафи шундаки, бу баҳс, мунозара уйғотди. Лекин давлатнинг бу борадаги сиёсати қатъий, ўзгармайди.
Шуҳрат Ризаев ўз мактубида Президент эътиборига бир неча таклифларни ҳавола қилган бўлиб, улар орасида «кириллни асосий, лотинни иккинчи алифбо сифатида қонунийлаштириш» таклифи ҳам бор эди.
Эслатиб ўтамиз, Шуҳрат Ризаев куни кеча Президент фармони билан «Дўстлик» ордени билан мукофотланди.
Изоҳ (0)