Польша миллий хотира институти мамлакатнинг собиқ президенти Лех Валенсага қарши махсус хизматлар билан ҳамкорлик борасида ёлғон маълумот бериш гумони билан жиноий иш қўзғатди. Бу ҳақда «Корреспондент.net» хабар бермоқда.
Мамлакат бош прокурорининг ўринбосари Анжей Позорскийга кўра, жиноий иш расман шу йилнинг 27 июнь куни Бош комиссия прокурори томонидан очилган.
Лех Валенса Польша халқ республикаси йилларида махсус хизматлар билан ҳамкорлик қилгани, аммо буни яширгани тахмин қилинмоқда.
2016 йил февралида Миллий хотира институти ходимлари 2015 йили вафот этган генерал Чеслав Кишчакнинг уйидан топилган махфий ҳужжатларни ошкор этди. Уларда Валенса ПХР даврида махсус хизматлар агенти бўлгани кўрсатилган.
Ҳужжатлар орасида, хусусан, махсус хизматлар билан ҳамкорлик қилишга розилик ифодаланган ариза сақланган бўлиб, у «Лех Валенса. Болек» деб имзоланган.
Изоҳ (0)