Алишер Файзуллаев Наманган вилояти ҳокимининг иқтисодиёт ва тадбиркорлик масалалари бўйича биринчи ўринбосари этиб тайинланди. Бу ҳақда вилоят ҳокимлиги ахборот хизмати маълум қилди.
Алишер Файзуллаев 1973 йилда Наманган шаҳрида туғилган. Наманган саноат-технология институти ва Тошкент давлат иқтисодиёт универститетини тамомлаган. 1997 йилдан бошлаб Марказий банк тизимида ишлаб келган.
Мазкур лавозимга тайинлангунга қадар у Марказий банк ички аудит департаменти директори вазифасида ишлаб келаётганди.
Эслатиб ўтамиз, олдинроқ Наманган вилояти ҳокимининг биринчи ўринбосари Акмалхон Ортиқов Иқтисодиёт вазири ўринбосари этиб тайинлангани ҳақида хабар берилганди.
Изоҳ (0)