IFА 2017 доирасида бўлиб ўтадиган Sony тақдимоти тобора яқинлашиб бормоқда, шу туфайли маълумотлар ҳам кўпроқ тарқалмоқда. Бир кун ичида Xperia XZ1 флагманининг дастлаб рендерлари, сўнг «жонли» фотосуратлари ҳамда қурилма тавсифи бўйича янги тафсилотлар пайдо бўлди, деб ёзади «Hi-tech.mail.ru».
Sony яна OmniBalance классик дизайнига мурожаат қилган кўринади, чунки янги қурилманинг ташқи кўриниши Xperia XZ, ХZ ва ХZ Premium’ники билан деярли бир хил.
Тарқалган маълумотларга кўра, смартфон MotionEye технологиясига эга 19 мегапикселли камерага ҳамда сониясига 960 та кадр тезлигида видеоёзув тасвирга олиш имкониятига эга бўлади. Шунингдек, ХZ1 13 мегапикселли олд камера, олд стереодинамиклар, IP 68 ва IP65 стандартлари бўйича чанг ва сувдан ҳимоя билан таъминланади.
Қурилма 5,2 дюймли, 1920×1080 пикселли экран, Snapdragon 835 + Adreno 540 процессори, 4 Гб тезкор ва 64 Гб ички хотира билан жиҳозланади. Android 7.1.1 операцион тизимида ишлайди.
Sony Xperia XZ1 смартфони 31 август куни IFА 2017 да тақдим этилади. У билан бир қаторда Sony’дан яна иккита қурилма: Xperia XZ1 Compact ва Xperia X1 намойиш этилиши кутилмоқда.
Изоҳ (0)