Samsung Galaxy Note 8 тақдим этиладиган сана яқинлашиб боргани сари, маълумотлар янада жадаллик билан тарқалмоқда, деб ёзади «Hi-tech.mail.ru». Бу сафар тарқалган суратларда бўлғуси флагман ҳар томондан акс этган, шунингдек, уларда S Pen’ни ҳам кўриш мумкин.
Аввал маълум қилинганидек, қурилманинг орқа томонида 3 карра оптик зумли қўш камера бўлади. Бундан ташқари, миш-мишларга кўра, смартфонга 3300 мА/соат сиғимли батарея ўрнатилади.
Олд панелда 6,3 дюймли Infinity Display экрани бўлиб, у Galaxy S8+ дан сал каттароқ (6,2). Аммо комплектдаги айнан S Pen Note 8 ни S8 дан чинакамига фарқлаб туради.
Стилус кўп ҳам ўзгармаганга ўхшайди, у ҳажмини бироз ўзгартиради ва сезувчанлигини оширади.
Қурилма 23 август куни тақдим этилади ва 15 сентябрдан қатор мамлакатларда сотувга чиқади.