Sony Xperia XZ1: флагманнинг хусусиятлари ва «ихчам» версияси ҳақида маълумот пайдо бўлди

IFА 2017 конференцияси доирасида 31 август куни Sony матбуот анжумани режалаштирилган, деб ёзади «Hi-tech.mail.ru». Миш-мишларга кўра, ўша куни компания янги қурилмалари — Xperia XZ1, XZ1 Compact ва X1 ни тақдим этади. Қурилмалар ҳақидаги баъзи тафсилотлар интернетда тарқалиб улгурди.

Sony Xperia XZ1

Миш-мишларга кўра, флагманнинг икки сим-картали версияси ҳам бўлади. Қурилма 5,1 дюймли ва 1920×1080 пикселли экран, Snapdragon 835 + Adeno 540 процессори, 4 ГБ тезкор ва 64 ГБ ички хотира, 19 мегапикселли асосий ва 13 мегапикселли олд камерага эга бўлади. Смартфон Android 7.1.1 операцион тизимида ишлайди.

XZ1 Compact

Миш-мишлар бўйича, бўлғуси Sony флагманининг ихчам версияси анонсдан кейинги ўн кун ичида пайдо бўлади. Бунда айнан XZ1 Compact назарда тутилганини тахмин қилиш мумкин, деб ёзади нашр. Демак, у 10 сентябрда сотувга чиқиши керак. Аммо бу маълумот расман тасдиқлангани йўқ.