Жанубий Корея президенти ҳарбий ҳаракатлар Сеул розилигисиз бошланмаслигига ишончи комил

Корея Республикаси президенти Мун Чже Ин Корея ярим оролидаги ҳар қандай жанговар ҳаракатлар КХДР атрофидаги инқирозни тинч йўл билан ҳал қилишга интиладиган Сеул тасдиғидан ўтмасдан туриб амалга ошиши мумкин эмаслигига ишончи комил. Бундай баёнот билан давлат раҳбари Кореянинг 1945 йилда япон истилосидан озод бўлган санага бағишланган тадбирда чиқиш қилди, деб ёзади «ТАСС».

«Сеул ҳар қандай йўл билан урушнинг олдини олишга интилмоқда. Корея ярим оролидаги жанговар ҳаракатлар Корея Республикаси томонидан розилик берилмагунича, бошланмайди», — деди президент.

Мун Чже Ин ўз нутқида КХДР атрофидаги инқироздан тинч йўл билан чиқиш учун бор имкониятни ишга солишга тайёрлигини билдирди.

Унинг таъкидлашича, КХДР ракета учиришни ва ядро синовларини ўтказишни бас қилса, у билан музокаралар олиб бориш учун шароит юзага келади.