ОАВ: Париж яқинида автомобиль пицца биносига бостириб кирди, жабрланганлар бор

Франциянинг Сена ва Марна департаментидаги Ла-Ферте-Су-Жуар коммунасида номаълум шахс автомобилни бошқарган ҳолда пицца биносига бостириб кириши оқибатида бир киши ҳалок бўлди, яна камида беш киши жароҳат олди. Бу ҳақда BMF TV’га таяниб, «Газета.ru» хабар берди.

Нохуш ҳодиса 14 август, душанба куни кечаси содир бўлган. Маълумотларга қараганда 8 ёшли қизалоқ ҳалок бўлган.

Автомобиль ҳайдовчиси воқеа жойида қўлга олинган.

У нима сабабдан бу ишни қилгани ҳозирча номаълум, тергов ишлари давом этмоқда.