Россиядаги Байкал кўли қирғоғида ҳордиқ чиқариш вақтида 20 ёшли сайёҳ яшин уриши натижасида ҳалок бўлди, деб ёзади National Geographic.
Ҳодиса 14 август куни Байкалнинг Олхон оролидаги Сарай пляжи ҳудудида юз берган.
Байкалга таътилни ўтказиш учун Ефремов шаҳридан келган йигит момақалдироқ вақтида ёмғир ўтиб кетишини дарахт тагида кутиб туришга қарор қилган, бу эса катта хато бўлган: у ерга шу заҳоти яшин бориб урган, дейилади хабарда.
Шифокорлар воқеа жойига тезкорлик билан етиб борганига қарамай, йигитнинг ҳаётини сақлаб қолишолмаган.
Нашр таъкидлашича, яшин чақнаётган пайтда сув ичида ва сув яқинида туриш, чўмилиш ва балиқ тутиш мумкин эмас. Қирғоқдан иложи борича узоқроқ кетиш керак. Очиқ далада, шунингдек, бирорта кичик иншоот ёки дарахт панасида туриш ҳам мумкин эмас. Катта ҳажмли металл конструкцияларни ёки металл ромли конструкцияларни танлаш керак: улар яшинқайтаргич бўлиб хизмат қилади.
Изоҳ (0)