DeLorean компанияси DR-7 биринчи шахсий учар автомобилини ишлаб чиқариш режалари билан бўлишди, деб хабар берди «Hi-tech.mail.ru».
DeLorean DR-7 автомобили 4 та катта ва бир жуфт кичкина қанотларга эга. Қурилма вертолёт каби вертикал ҳолатда ҳавога кўтарилади ва қўна олади. Бунинг учун унинг орқа ва олдига ўрнатилган иккита пропеллери бор. Улар ёрдамида автомобиль ҳаводаги оғиш бурчагини ўзгартириши мумкин. Бу ҳақда компания асосчисининг жияни Пол Делориан Wired нашрига берган интервьюсида маълум қилди.
DR-7 прототипининг узунлиги 9,1 метрга, эни эса 5,6 метрга тенг. Фақатгина иккита йўловчи учун жой мавжуд. Қурилма автомобиль учун мўлжалланган ўртача гаражга сиғиши керак. Пол Делориан ушбу қурилмалар бир марта қувватлантирилганда 193 километр масофа босадиган бўлишини истамоқда.
Компания ушбу учар автомобилнинг ишчи прототипини 2018 йилнинг охирларида намойиш этишни режалаштирмоқда. Бироқ ҳозирча қурилманинг бошқарув, хавфсизлик ва бошқа кўплаб тизимлари ҳақида маълумот йўқ.
Изоҳ (0)