«Звезда» телеканалида эфирга узатиладиган «Кун янгиликлари» кўрсатувининг бошловчиси Денис Кочанов ўз кўрсатувининг тўғридан тўғри эфири якунида яхши кўрган қизининг қўлини сўради, деб хабар берди «РИА Новости».
Журналистнинг таъкидлашича, ижобий янгиликлар етмаётгани сабаб, ўзи шу каби янгилик «қўшишга» қарор қилган. Шунингдек, у телетомошабинлардан ҳам ўзини қўллаб-қувватлашларини сўраган.
«Бугун мен тўғридан тўғри эфир орқали бутун мамлакат олдида севган қизимнинг қўлини сўрамоқчиман, биламан, у мени томоша қиляпти. Маргарита Степанова менга турмушга чиқасанми?» — дея Денис тиз чўккан ҳолда узук солинган қутичани очди.
«Жавобингни кутаман. ‘Ҳа’ деб жавоб беришингга умид қиламан», — дея қўшимча қилди Кочанов.
Кейинроқ, телебошловчининг севгилиси Instagram орқали Денисга розилик билдирганини маълум қилди.
Изоҳ (0)