«Тахтлар ўйини» сериали ўз актёрларининг ажойиб кийим-бошлари учун уч маротаба Grammy мукофотини қўлга киритган. Бироқ кийимлар бўйича иқтидорли ижодкорлар томонидан Вестерос аҳолиси учун тикилган шимолбоп кийимларнинг бир кичик сири бор — бу Ikea дўконлари, деб хабар берди Gmbox.
Маълумки, шимол тарафдаги турли душманлардан етти қиролликни ажратиб турувчи деворнинг тунги соқчилари қора жунлардан иборат, совуқдан ҳимоя қилувчи қалин кийим кийиб юришади. Иссиқликни яхши сақлайдиган ушбу кийимлар беўхшов кўринишга эга.
Сериалнинг кийимлар бўйича катта рассоми Мишель Клептоннинг маълум қилишича, ушбу кийимлар анча оддий материаллардан — Ikea дўколаридан сотиб олинган гиламлардан тайёрланган. Суратга олиш майдончасида ишлайдиган иқтидорли усталар гиламларни бўлакларга бўлиб уни керакли тартибда тикишади, шунингдек, қўшимча чармлар қўшишади.