Иван Драго қаҳрамони яна экранларда пайдо бўлади, у «Крид» фильмининг сиквелида рол ижро этади. Бу ҳақда актёр Сильвестр Сталлоне TMZ порталига маълум қилди.
Сталлоненинг қаҳрамони Рокки Балбао яна бир бор рус спортчисига қарши рингга тушади. «Биласизми, мен Драгони ер тишлатишим керак», — дейди актёр.
Маълумотларга кўра, фильмнинг бош қаҳрамони, Аполло Криднинг (Роккининг рақиби) ўғли, ёш жангчи Адонис Драгонинг ўғли билан жанг қилиб, совет боксёри томонидан ўлдирилган отаси учун қасос олади.
Иван Драго — «Рокки 4» қаҳрамони. Ушбу ролни асли швециялик бўлган Долф Лундгрен ижро этган.
«Крид 2» спорт драмасининг премьераси ноябрь ойига режалаштирилган. Картина Рокки ҳақидаги саккизинчи фильм бўлади ва «Крид: Роккининг мероси» фильмининг давомига айланади. Биринчи «Крид» 2015 йилда катта экранларга чиққан эди.
Изоҳ (0)