Netflix’нинг YouTube’даги каналида Анжелина Жолининг янги «Улар дастлаб отамни ўлдирди» фильмининг трейлери пайдо бўлди. Фильм катта экранларга жорий йилнинг сентябрида чиқиши кутилмоқда, деб хабар берди «Корреспондент.net».
Жолининг янги фильми камбожалик ёзувчи ҳамда ҳуқуқ ҳимоячиси Лунг Ангга бағишланган бўлиб, фильм асосини ҳам унинг хотиралари ташкил этади. Фильмда Камбожадаги коммунистик ҳаракат — қизил кхмерларнинг тизими кўрсатилган.
Лунг Анг ва Жоли 2002 йилда, Камбожага уюштирилган биринчи гуманитар миссияси доирасида танишиб қолган. Бироқ Жолида фильм олиш фикри кейинчалик пайдо бўлган.
Аввалроқ, Жоли ушбу фильмда суратга тушиш учун кастингга келган болаларни пул ўғирлашга мажбур қилганлиги сабаб танқид остида қолганди.
Изоҳ (0)