Яқинда Хоразм вилояти божхона бошқармаси Контрабандага қарши курашиш бўлими тезкор вакиллари томонидан ички ишлар ходимлари билан ҳамкорликда Урганч туманида ўтказилган тезкор тадбир давомида ўз томорқасида наша етиштирган шахс фош этилди. Бу ҳақда Хоразм вилояти божхона бошқармаси ахборот хизмати хабар берди.
Чаккашоликор қишлоғида яшовчи фуқаро Д.Мадраҳимовнинг хонадони амалдаги тартибларга мувофиқ ва холислар иштирокида кўздан кечирилганида, ҳовлидаги томорқада 11 туп каннабис ўсимлиги «барқ» уриб ўсаётганлиги аниқланди.
Тезкор тадбир давомида аниқланган мазкур наркотик гиёҳларнинг умумий оғирлиги салкам 1,7 кг ни такшил қилди.
Мазкур ҳолат юзасидан фуқаро Д.Мадраҳимовга нисбатан Ўзбекистон Республикаси Жиноят Кодексининг 270-моддасининг 1-қисми билан жиноят иши қўзғатилиб, ҳозирда тергов ва суриштирув ишлари олиб борилмоқда.
Хоразм вилояти божхона бошқармаси фуқаролардан шунга ўхшаш ҳолатлар ҳақида (0362) 224-59-20 рақамли ишонч телефонига мурожаат этишларини сўраб қолди. Маълумот берган шахсларнинг исм-шарифлари сир сақланиши кафолатланади.
Изоҳ (0)