Олимлар халқаро гуруҳи Кот-д’Ивуардаги Taï миллий боғида яшовчи шимпанзеларни ўрганаётиб, маймунлар ўлимининг 40 фоизи куйдирги туфайли келиб чиққанлигини аниқлади, деб ёзади National Geographic.
Куйдиргини чақирувчи Bacillus anthracis бактериялари Африкада аллақачон аниқланган, аммо энди унинг янги, бунгача номаълум бўлган Bcillus cereus biovar anthracis штамми кашф этилди. Айнан у Кот-д’Ивуардаги маймунлар, Камерун ва Марказий Африка Республикасидаги бир нечта горилла, фил ва шимпанзелар ўлимига сабабчи бўлди.
Нима сабабдан айнан Кот-д’Ивуарда касаллик энг фаол тарзда тарқалгани ҳалигача аниқлангани йўқ. Аммо бу ўта хавотирли вазият: маймунларнинг маҳаллий популяциялари йўқолиб кетиш ёқасида турибди. Бундан ташқари, хавф гуруҳига одамлар ҳам киради: шимпанзе билан генетик яқинлик туфайли, улар ҳам янги штаммдан осон зарарланади.
Изоҳ (0)