Актёр Жорж Клуни ҳамда унинг рафиқаси Амалия Ливанда яшаётган суриялик қочоқларнинг фарзандларини ўқитишга мўлжалланган еттита мактабни ривожлантириш учун 2,25 миллион доллар ажратишларини маълум қилди. Бу ҳақда Клунилар оиласининг расмий сайтига таяниб, «ТАСС» хабар берди.
«Биз ноқулай вақт ва ноқулай жойда туғилиб қолган бутун бир авлоднинг йўқ бўлиб кетишга йўл қўя олмаймиз. Минглаб ёш сурияликлар бизнинг жамиятимизни тўлақонли қисми бўлма олмаслиги хавфи мавжуд. Мактаб таълими уларга ўз ҳаётини ўзгартиришида ёрдам беради», — дейилади Клунининг хабарида.
Шунингдек, лойиҳада Клуни оиласининг фондидан ташқари Google ҳамда HP компаниялари ҳам иштирок этмоқда. Улар ўқув биноларини техник томондан жиҳозлаб беради. Умумий миқдорда ажратиладиган маблағ 3 миллон доллардан ортиқ.
Ливан таълим вазири Марван Ҳамад Клуни оиласининг бу каби ҳаракатидан миннатдор эканлигини билдирди.
Изоҳ (0)