Aktyor Jorj Kluni hamda uning rafiqasi Amaliya Livanda yashayotgan suriyalik qochoqlarning farzandlarini o‘qitishga mo‘ljallangan yettita maktabni rivojlantirish uchun 2,25 million dollar ajratishlarini ma’lum qildi. Bu haqda Klunilar oilasining rasmiy saytiga tayanib, “TASS” xabar berdi.
“Biz noqulay vaqt va noqulay joyda tug‘ilib qolgan butun bir avlodning yo‘q bo‘lib ketishga yo‘l qo‘ya olmaymiz. Minglab yosh suriyaliklar bizning jamiyatimizni to‘laqonli qismi bo‘lma olmasligi xavfi mavjud. Maktab ta’limi ularga o‘z hayotini o‘zgartirishida yordam beradi”, — deyiladi Klunining xabarida.
Shuningdek, loyihada Kluni oilasining fondidan tashqari Google hamda HP kompaniyalari ham ishtirok etmoqda. Ular o‘quv binolarini texnik tomondan jihozlab beradi. Umumiy miqdorda ajratiladigan mablag‘ 3 millon dollardan ortiq.
Livan ta’lim vaziri Marvan Hamad Kluni oilasining bu kabi harakatidan minnatdor ekanligini bildirdi.
Izoh (0)