2017 йилнинг 27 июль куни соат тахминан 10:30 да номаълум шахс Сергели тумани ҳудудида жойлашган «Рихсивой» кафесида маст ҳолда бўла туриб, жамиятда юриш-туриш қоидаларини қасддан менсимасдан, фуқаро Людмила Миронованинг кўкрак қафаси чап тарафига ўткир тиғли жисм билан тан жароҳати етказган. Бу ҳақда Тошкент шаҳар ИИББ хабар берди.
Мазкур ҳолат юзасидан Сергели тумани ИИБ ҳузуридаги Тергов бўлими томонидан Ўзбекистон Республикаси Жиноят Кодексининг 277-моддаси 2-қисми «в» бандига асосан, безорилик, яъни жамиятда юриш-туриш қоидаларини қасддан менсимасдан, кишининг соғлиги учун шикаст етказиши мумкин бўлган нарсани қўллаб, тан жароҳати етказиш жинояти аломатлари билан жиноят иши қўзғатилган.
Ички ишлар идоралари ходимлари томонидан ўтказилган тергов-тезкор тадбирлари натижасида, мазкур жиноятни Рихсивой Ҳамидхўжаев содир этганлиги аниқланган.
Мазкур ҳолат бўйича жабрланувчининг анкета маълумотлари ўзгартирилган бўлиб, фамилияси ва исмининг ҳар қандай ўхшашлиги тасодифий характерга эга.
Изоҳ (0)