9—10 сентябрь кунлари Катта театрда I Simfonik Open Air оқшоми бўлиб ўтади

Алишер Навоий номидаги Давлат академик Катта театри ва Ўзбекистон Республикаси Маданият вазирлиги томонидан, TOP Congress компанияси кўмагида 9—10 сентябрь куни ўтказиладиган OPEN AIR 88-театр мавсумини очиб беради. Бу ҳақда ташкилий қўмита вакиллари Катта театрда бўлиб ўтган матбуот анжумани доирасида журналистларга сўзлаб берди.

Айнан I Simfonik Open Air билан Ўзбекистон театр санъати учун ноёб бўлган лойиҳа иш бошлайди, у, жаҳон мумтоз мусиқаси дурдоналарини тақдим этиш орқали, мумтоз мусиқа, опера ва балетга томошабинларнинг муҳаббатини қайта тиклашга қаратилган.

Мумтоз санъатнинг асл заршунослари кетма-кетига иккита мусиқий оқшомни театр олдидаги майдонда, очиқ осмон остида (Open Air) ўтказади.Simfonik Open Air формати — концерт маданиятидаги ноёб жараёндир. Бундай тарздаги мусиқа тадбирлари Эдинбург, Берлин, Вена, Париж, Москва, Токио ва Римдаги бутун дунёга машҳур фестивалларнинг энг ёдда қоларли шоусидир.

Ташкилотчиларнинг сўзларига кўра, лойиҳа мумтоз санъатга янги ҳаёт бахш этади. Тадбирлар силсиласи ва компаниянинг келгуси фаолияти маданий трендлар яратишга ва анъанавий санъат йўналишларининг қайта тикланишига қаратилгандир.

Театр режиссёри Андрей Cлоним, мусиқа раҳбари ва дирижёр Бобомурод Ҳудойқулов Ўзбекистон опера ва балет воқеалари тақвимидаги янги жараёндан нималар кутиш кераклиги ҳақида сўзлаб берди.

Оқшомларнинг ҳар бири дид билан тузилган дастурга эга, ундан жаҳон мумтоз қўшиқчилиги дурдоналари, турли мамлакатлар миллий мумтоз мусиқаси оригинал композициялари, Катта театрнинг мафтункор балет чиқишлари ўрин олган. Ноодатий жойлашув, театр майдоннининг декорацияланган манзараси, дид билан тайёрланган дастур ва мумтоз санъат ҳашаматининг енгил таъсири – ўша кунда Катта театр ёнидаги майдонда симфоник мусиқа ишқибозларини шулар кутмоқда.

ДАКТ яккахон хонандалари ва балетлар жамоаси мавсум очилишида эътироф этилган жаҳон мумтоз санъати намояндалари композицияларини тақдим этади: Штраус валси ва Чайковский адажиосидан тортиб, то Андреа Бочеллининг замонавий асарлари ва ўзбек миллий операсининг миллий арияларигача ижро этилади.

Оқшомни меҳмонлар билан истеъдодли дирижёр Бобомурод Худойқулов бошқаруви остидаги Алишер Навоий номидаги Давлат академик катта театри Симфоник оркестри биргаликда ўтказади.

Тадбир қандай ўтиши ва шаҳар аҳли бу ноёб театр томошасида, ошқом қаҳрамонларининг жонли тарихида албатта қатнашишлари нима учун лозимлиги ҳақида Катта театр яккахон ижрочилари ва Катта театр жамоаси, ташкилотчилар яқин кунларда бафуржа сўзлаб беришни ваъда қилди.