29 июль куни АҚШнинг бир қанча шаҳарларида Nike корпорациясига қарши норозилик намойишлари бўлиб ўтди. Намойишчилар корпорациянинг заводлари инсон ҳуқуқлари мунтазам равишда бузилишини шиор қилиб чиқди, деб хабар беради TJournal.
Ташкилотчиларнинг сўзларига қараганда, Гондурас, Вьетнам ёки Камбоджадаги фабрикаларда ишчилар чидаб бўлмас шароитларда ишлайди.
АҚШнинг USAS талабалар ташкилоти охирги йилларда бир қанча намойишлар ўтказиб, Nike чет элдаги заводларига ишчилар ҳуқуқлари бўйича консорциум вакилларини киритишни талаб қилмоқда. Июль ойида корпорация дўконлари олдига «Ноинсоний шароитда ишлашни тўхтатинг» ва «Nike’дан ёлғон сотиб олманг» шоирлари билан бир неча юз киши тўпланди.
Аммо Reddit фойдаланувчилари намойишчиларнинг айримлари Nike’га қарши акцияга Nike маҳсулотини кийиб чиққанига эътибор қаратди. Жумладан, Nike’дан ҳеч нарса сотиб олмасликка чақираётган ва айни пайтда компания кроссовкасини кийиб олган қизнинг сурати тарқалди.