Зангиота туманида 20 июлда нафақахўр ота ўзаро жанжал оқибатида ўз ўғлини бўғиб ўлдирди. Бу ҳақда Тошкент вилояти ИИБ хабар берди.
20 июль соат 05:30 да Зангиота туманида яшовчи нафақахўр, 1954 йилда туғилган А.Т. уйи ҳаммомида ўғли билан ўзаро жанжаллашиб қолган. Жанжал оқибатида ота 1982 йилда туғилган ўғли Аб.Т.ни бўйнидан сочиқ билан бўғиб ўлдирган.
Суд тиббий экспертизасининг 20 июлдаги хулосасига кўра, Аб.Т.нинг ўлимига бўйин аъзоларини ўтмас юмшоқ жисм билан бўғилиши натижасида келиб чиққан механик асфиксия сабаб бўлган.
Ҳолат юзасидан Ўзбекистон Республикаси Жиноят Кодексининг 97-моддаси 1-қисми билан жиноят иши қўзғатилди. А.Т. қўлга олинган. Прокуратура томонидан тергов ҳаракатлари олиб борилмоқда.
Изоҳ (0)